Ertzaintzako eta Udaltzaingoko agenteek gazte bat erreskatatu dute Urumea ibaian, Donostian
2026-07-08
Gaur goizaldean, Ertzaintzako eta Donostiako Udaltzaingoko agenteek 28 urteko gazte bat erreskatatu dute, bere burua ibaira bota eta telefono mugikor bat berreskuratzeko asmoz. Erreskatatzaileek bihotz-biriketako bizkortzea egin behar izan diote, hartutako ur kantitate handia dela eta.
Gaur goizaldeko ordu bata laurden gutxitan, Urumea ibaian, Gipuzkoako hiriburuan, izandako gertakari baten berri eman zaio Ertzaintzari. Antza denez, gazte batek bere burua ibaira bota zuen Salamanca pasealekuko zubi batetik, bere lagunari ustekabean erori zitzaion telefono mugikor bat berreskuratzeko asmoz.
Hasiera batean, bertaratutako larrialdi-zerbitzuek flotagailu bat bota diote, baina arrastaka eta hondoratuta zeraman erresaka gogorraren ondorioz, Ertzaintzako bi agentek eta Udaltzaingoko agente batek beren burua uretara bota dute laguntzeko. Uretatik ateratzea lortu ondoren, erreskatatzaileetako batek bihotz-biriketako bizkortzea egin dio, eta anbulantzia batek ospitalera eraman du.
Biktima magrebtarra da, eta ospitalean dago, larri.
