24_0636 Ertzaintza eta Erandioko Udaltzaingoa prebentzio-dispositibo bat egin dute aisialdirako lokal baten kanpoaldean
Ertzaintza eta Erandioko Udaltzaingoa prebentzio-dispositibo bat egin dute aisialdirako lokal baten kanpoaldean
2024-11-23
Bart gauean eta gaur, larunbata, goizaldean, polizia-dispositibo bat jarri da martxan Erandioko diskoteka baten inguruan, jaiegunetan eta asteburuetan gertatzen diren delitu-portaerei eta gizalegerik gabeko portaerei dagokienez inguruan dagoen arazoa arintzeko.
Erandioko ertzain-etxeak udalerri horretako udaltzaingoarekin batera sustatutako baterako operatiboan, Ertzaintzaren beste baliabide batzuek ere parte hartu dute, hala nola Brigada Mugikorraren Unitateak, Txakurren Unitateko kideek eta drogak detektatzeko txakurrek, Bizkaiko Trafikoko Lurralde Unitateko baliabideek eta Getxoko ertzain-etxeko eta Leioako udaltzaingoko agenteek.
Helburua da inguruko delitu-intzidentzia murriztea, polizia- eta administrazio-neurri batzuen bidez, auzotarrek segurtasun-gabeziaren sentsazioa eta zigorgabetasuna urratzen dituzten jokabideak mugatzeko.
Herritarren Segurtasunerako Lege (HSL) bidezko espedienteen bidez, delituzko edo gizalegerik gabeko portaerak sortzen dituzten pertsonak uxatu nahi dira, hala nola arma zuriak, borrokak edo alkoholaren eta substantzia estupefazienteen kontsumoa bide publikoan. Gainera, beste jokabide batzuk ere eragotzi nahi dira, hala nola kalean pixa egitea, zarata edo zaborra pilatzea, udalerriko bizilagunei eragozpenak sortzen dizkietelako.
Halaber, Bizkaiko Trafikoko Lurralde Unitateak alkohol- eta droga-kontrolak egin ditu diskotekara sartzeko bideetan.
Operazio horren ondorioz, pertsona bat ikertu dute bide-segurtasunaren aurkako delitu batengatik, eta hamar HSL espediente ireki dituzte. Horietako zazpi substantzia estupefazienteak edukitzeagatik, bi piper-esprai edo defentsa-esprai bat edukitzeagatik, eta bat agintaritza-agenteei desobedientzia arina egiteagatik. Bide publikoan alkohola kontsumitzeagatik 57 zehapen-proposamen ere egin dira, eta 20 ibilgailu kontrolatu dira, 21 alkoholemia-proba eta 4 droga-proba eginez.